OK en ef......!?

Já já ég kaupi þetta alveg, ég er ekkert eins og Rússarnir, grenjandi yfir því að bandaríkjamenn skuli nú nota tækifærið að prófa nýju geimvarnarflaugarnar sýnar, nei alls ekki, ég er bara sáttur við að það skuli yfirhöfuð vera til raketta til þess að taka niður þetta gerfitungl. Það gæti svo aftur á móti gefið góða reynslu sem yrði svo notuð til þess að sprengja loftsteina sem gætu ógnað lífinu á jörðinni. Já já minn er bara sáttur við þetta sprengjubrölt aldrei þessu vant...... en.... og það er alltaf þetta en..........

En hvað ef þessi hátækni-raketta, hittir ekki gerfihnöttinn? Hefur einhver spáð í það? Ég sé alveg fyrir mér þar sem að hún hittir ekki og heldur ferð sinni áfram út í óravíðáttur geimsins.....

Eftir milljón ár eru Stjörnuskoðarar á plánetunni Noarabs í fjarlægu stjörnukerfi veita athygli einhverju óþekktu fyrirbæri á himnum og komast að því að þetta er einhvað sem er ekki gert af náttúrunni heldur jafnvel óþekktri menningu í óþekktu stjörnukerfi.

Titrandi af æsingi kalla þeir saman yfirvöld og benda þeim á þetta fyrirbæri sem stefnir á plánetuna þeirra. Hvað gæti þetta verið?

Eftir langa yfirsetu og miklar pælingar komast þeir að þeirri niðurstöðu að fyrirbærið sé geimfar frá ókunnri plánetu, sem er sennilega sú þriðja í röð átta plánetna um bjarta sól í litlu stjörnukerfi. (Þeir eru löngu búnir að sjá að Plútó er bara stór steinn) og ætla þeir að taka á móti þessu geimfari með mikilli vinsemd og virðingu, enda ekki á hverjum degi sem þeir fá sönnun fyrir lífi utan þeirra litlu plánetu. Þeir hafa alltaf haldið að þeir væru sá einu í alheimi, en alltaf vonað hið gagnstæða.

Lendingin er útreiknuð klukkan 31:09  (Annað tímakerfi þú skilur) eftir tvo plánetuhringi og vill svo skemmtilega til að lendingin verður einmitt í miðbæ höfuðstaðarins Nobloody á Noarabs, tilhlökkun breiðist út um litla menningarsamfélagið og fólk fer að streyma til höfuðstaðarins.

Fagnaðarlæti fjöldans verður nánast ærandi þegar geimfarið kemur inn í lofthjúp plánetunnar og stefnir beint á höfuðstaðinn. Fólkið fagnar og hrópar "Lifi Geimverurnar, vinir okkar" Móttökunefnd á vegum æðstaráðsins ræskir sig og taugaóstyrkur formaðurinn fer yfir ræðuna í huganum. Við bjóðum ykkur velkomin í nafni friðar og velvilja allra þjóða, hér á Plánetunni og víðar. Verið velkomin kæru geimvinir okkar......

Hann komst ekki lengra í hugsunum sínum, því ærandi sprengingin reif hann í tætlur.... með kveðju frá USA.

Miðbærinn ásamt 200.000 manns þurrkaðist út í einu vetfangi og allar byggingar í 30 km radíus skemmdust verulega. 100.000 manns til viðbótar létust fljótlega af sárum sínum og 50.000 til viðbótar biðu aldrei þess bætur að hafa verið í höfuðstaðnum á sprengidaginn mikla.

Það tók hina nýju stórn plánetunnar ekki langan tíma að framkvæma gjöreyðingar áætlunina sem var samþykkt með öllum atkvæðum á þinginu. Öllum tiltækum eldflaugum var beint á litlu bláu plánetuna í fjarlæga sólkerfinu. Forsetinn hugsaði sig aðeins um rétt í þann mund sem hann setti fingurinn á hnappinn, er ég að gera rétt? Hann ýtti !

Ég legg til að við segjum komandi kynslóðum að fylgjast vel með himnunum og kannski vera ekkert að fagna komandi geimförum.... ef Bandaríkjamenn hitta ekki þennan blessaða gerfihnött !!!

Jac Norðquist

Reyna að skjóta niður stjórnlaust gervitungl

Hvað ef ?

Maður auðvitað spyr sig, hvað ef hann hefur rétt fyrir sér? Ég er viss um að annað eins hefur gerst í þessari blessuðu veröld okkar. Afhverju ætti þetta að vera eitthvað langsóttara en hvað annað? Ég aðhyllist ekkert sérstaklega samsæriskenningum svona almennt en mér finnst þetta vera líklegra en margt annað.

Jac

Al Fayed segir Díönu og Dodi hafa verið myrt

Ég tæmdi ......

Já ég rauk nú til og tæmdi alla vasa, leitaði í sófanum og tæmdi baukinn hjá drengjunum en vantar samt 49,998 dollara upp á til þess að fá notið hennar Teri "Lúxushóru" Hatcher !

Það var hinsvegar erfiðara að útskýra fyrir konunni minni þennan skyndilega áhuga á hádegismat með stjörnunni, en þeir sem hafa horft á þættina Níðþröngar eiginkonur vita alveg hvað ég er að fara ;) Susan er bara sú auðveldasta í götunni og þótt leitað væri í næstu hverfi.

Mér finnst samt alveg ótrúlega "gegnsætt" þetta plott að safna mörgum milljónum fyrir Alzheimer sjúklingana... kom on !!! Eins og þeir eigi eftir að "Muna" hvort þeir fái nokkrar millur til eða frá ? Það er bara það auðveldasta í heimi að stinga hagnaðinum í vasann, klappa Ölsurunum á bakið og segja "Flott hjá ykkur" og þeir greyin kinka kolli og muna ekkert hvað þetta "flott hjá ykkur" var.

Kveðja

Jac

Þeir sem lesa þetta, eru beðnir að leggja inn 5000 íkr á reikning 1150-26-303030 til styrktar Falz-Heimer sjúkum. Ég mun persónulega sjá um reikninginn og útdeila eftir þörfum til þeirra sem muna eftir mér við útdeilinguna.

Hatcher seldi sig

Oh þessar.... .!!!

Já enn og aftur eru þessar fyrirsagnir að skemmta mér   Það er ekkert minnst á það í fréttinni að sæðisfrumurnar séu fjarstýrðar, er það nokkuð? Hinsvegar er talað um fjarstýrðan sáðrásarloka. Að segja að sjálfar frumurnar séu fjarstýrðar er álíka og segja að fólk sem gengur inn og út um sjálfvirkar dyr, séu fjarstýrð.

Jac

Fjarstýrðar sáðfrumur

Einmitt !!!

Já það heitir víst að "Standa af sér Orrahríðina" þetta "Fólk er Fífl" dæmi..... Það ætti að setja í Málfarsbók Máls og Menningar undir setninguna Orrahríð.... Beðið af sér orrahríðina á við um þann hátt stjórnmálamanna að svara ekki símum fréttamanna meðan á orrahríð í viðkvæmum málum stendur, yfirleitt ekki nema ca 3 daga en þá hellist yfir almenning "Fólk er fífl" syndrómið og stjórnmálamaðurinn stendur keikur eftir eins og ekkert hafi í skorist.

Ég vil taka það fram að ég þjáist einnig af Fólk er fífl syndróminu enda finnst mér það lööööngu tímabært að fyrirgefa nú aumingja Villa, já og kannski Árna Johnsen líka..og hvernig væri nú að gefa Sævari Cieselski gjafsókn í Geirfinnsmálinu og com on...var Hitler ekki bara afar misskilinn hommi? Æ fyrirgefiði.... Fólk er fífl syndróminn er bara alveg að fara með mig...get ekki hugsað alveg rökrétt sjáið til.... ég ætla að leggja mig og vona að þetta líði hjá, svo ætla ég að skreppa á olís, shell og N1 og kaupa bensín af þeim öllum og njóta góðrar þjónustu og viðmóts þeirra.

Jac Norðquist

Pólitísk staða Vilhjálms rædd

HA ?

"Einn hefðbundinn enskur pöbb eyðilagðist í eldsvoðanum" Þetta finnst mér pínulítið skrítin nálgun á frétt. Ef við berum saman brunan fræga í miðbæ Reykjavíkur á síðasta ári þá er ekki séns í helvíti að fréttin hefði verið orðuð svona " Ein hefðbundin Íslensk Pylsusjoppa eyðilagðist í eldsvoðanum" !!! Nei bara segi svona....

Jac

Camden markaður lokaður

Bankarán eða fótbolti?

Ég stóð í morgun fyrir framan skólann og var að bíða eftir því að húsvörðurinn opnaði fyrir mér því ég var svo snemma á ferðinni. Ég sé hvar kemur eldri kona gangandi og hún er með troðfullann svartan ruslapoka í annarri hendi og svona venjulegan innkaupapoka í hinni. Ég tók eftir því að á svarta pokanum var gat og út duttu nokkrir 500 kallar,, rétt í þann mund er hún gekk framhjá mér.

Mér fannst þetta auðvitað skrítið, svo ég gekk að kerlu og benti henni á þetta. Hún lítur bak við sig og segir, nú maður ætti kannski að tína þetta upp. Æ takk fyrir að láta mig vita. Ég beygði mig niður og aðstoðaði hana við upptíninginn. Hvert ertu eiginlega að fara með þennan poka spurði ég og var nokkuð hissa á því hversu kræf hún væri að ganga með fullan poka af peningum gegnum bæinn rétt sí svona? Varstu nokkuð að ræna banka ??, Æ nei nei, sagði sú gamla,ég er á leið í bankann með þetta en ekki að koma úr honum, svo brosti hún sínu blíðasta. Það vill svo til að bakgarðurinn minn snýr að fótboltavellinum hér hinumegin við Munkemosen og svo þegar það eru einhver stór eða mikilvæg mót í gangi, þá koma oft ungir menn og stinga tippinu á sér í runnana hjá mér til þess að kasta af sér vatni. Þá tók ég upp á því að liggja í leyni og þegar það laumaðist sprelli inn í runnann, brá ég garðklippunum mínum varlega um hann og hótaði að klippa ef ég fengi ekki borgaðar 500 krónur fyrir salernisaðtöðuna í blómabeðinu.

Ég fór að skellihlægja yfir þessari snilldar hugmynd hjá þeirri gömlu og lagaði pokann hennar þannig að peningarnir hættu að streyma út, á ég ekki bara að fylgja þér í bankann, bauð ég því hann var bara handan hornsins. Hún þakkaði það og ég tók undir arminn á henni og bauðst til að bera amk annan pokan. Hún rétti mér innkaupapokann og veitti ég því athygli að hann var töluvert þyngri en stærri pokinn. Þessi fer nú bara í næsta ruslagám sagði sú gamla og glotti... það eru neflilega ekki allir sem borga.

Kveðja

Jac G. Norðquist

Ógeðis fyrirsögn !!!

Enn og aftur koma svona "Ógðefelldar" fyrirsagnir, ætlaðar til að "fanga" athygli okkar lesenda ! En svona í alvöru... sjáið þið fyrir ykkur hverja eina og einustu fyrirsögn hjá MBL með þessum hætti ! Það væri nú fjári hálvitalegt ekki satt?

Prófum aðeins nokkrar af fyrirsögnunum í dag á MBL og snúum þeim í ógeðisstíl.....

Fimm togarar sokknir og einn Íslenskur, allir fórust utan einn.

Japanir eru geðfatlaðir upp til hópa

Hér er ein af Vísir.is

Eru læknar í Danmörku að slátra sjúklingum?

Sjáið fyrirsagnirnar og spáið í lélegheitin, þessa aumu tilraun til að fá okkur til að smella á fréttina. Er það ekki bara léleg blaðamennska að nota svona "Cheap" trikk ? Spyr sá sem ekki veit.

Allavega er ég á leið til Íslands og varð svolítið um og ó að sjá það að Leifsstöð væri sprungin, lái mér það hver sem vill.

Kveðja

Jac

Leifsstöð sprungin

Fari það í fúlan pitt !!!

John og Miriam vinafólk okkar frá Malasíu voru orðin þreytt á lífinu og tilverunni í Kuala Lumpur og spurðu mig hvort það væri ekki hægt að fá einhverja vinnu á Íslandi, einhversstaðar fjarri ys og þys borgarinnar? Ég þekki aðeins til á Egilsstöðum og gaf þeim númer hjá vinnumiðlun Austfjarða. John fékk vinnu með það sama við Verkfræðistofu Austfjarða og Miriam fékk vinnu í Bakaríinu enda er hún bakari að mennt. Þau fluttu svo upp á klakann í byrjun september í fyrra. Eitthvað voru þau samt ósátt, eða aðallega John en ég tók mig til og þýddi bloggfærslurnar hans á netinu og set þær hérna inn að neðan. Þau gista hjá okkur núna en eru á leið til Marokkó á morgun.  

 

5. Sept 2007

Fluttum til Íslands í gær til að vinna. Settumst að fyrir austan, á Egilsstöðum. 
Ég er svo gríðarlega spenntur. Það er svo fallegt hérna og fjöllin eru dýrleg. Ég get ekki beðið eftir að sjá hvernig þau líta út í vetur þegar það fer að snjóa.

11. Október 2007

Ísland er sko fallegasta land í heimi. Laufin eru öll rauð og appelsínugul í Hallormsstað. Svo sáum hreindýr í dag. Þau eru svo guðdómlega falleg. Það er svo kyrrlátt   hérna, algjör paradís. Ég ætla sko að búa hérna það sem eftir er.

13. Nóvember 2007

Bráðum byrjar hreindýra veiðitímabilið. Ég get ekki ímyndað  mér að einhver vilji drepa þessi fallegu dýr. Vona líka að það fari að snjóa fljótlega. Ég bara elska þetta land.

17. Nóvember 2007 

Það snjóaði loksins í nótt og þegar ég vaknaði var allt orðið hvítt. Þetta   er eins og jólakort. Við fórum út og hreinsuðum snjóinn af tröppunum og mokuðum innkeyrsluna. Fórum í snjóbolta slag (Miriam vann reyndar ég ég næ henni síðar). Þegar snjóruðningstækið kom og ruddi götuna, þurftum við reyndar að moka innkeyrsluna aftur. Ég elska samt Ísland!

21. Nóvember 2007 

Meiri snjór í nótt. Snjóruðningstækið lék sama leikinn með  innskeyrsluna okkar, ég var ekki alveg sáttur en það er fínt að vera hérna.

16. Desember 2007 

Enn meiri snjór í nótt. Komst ekki út úr innkeyrslunni og í vinnuna. Það er fallegt hérna, en ég er orðinn ansi þreyttur á að moka snjó. Helvítis snjóruðningstæki.

21. Desember 2007 

Meira af þessu hvíta drasli féll í nótt. Ég er kominn með blöðrur í lófana og illt í bakið af öllu þessu moki. Ég held að gaurinn á snjóruðningstækinu bíði við hornið þar til ég er búinn að moka innkeyrsluna. Helvítis asninn.

24. Desember 2007 

Gleðileg Jól, eða þannig! Enn meiri andskotans snjór. Ef ég næ í helvítis fíflið sem keyrir snjóruðningstækið, þá sver ég að ég drep helvítið. Af hverju salta þeir ekki helvítis göturnar hérna meira.

15. Janúar 2008 

 Meiri hvítur skítur í nótt. Búinn að vera inni í þrjá daga. Bíllinn er fastur undir heilu fjalli af snjó sem fíflið á ruðningstækinu er búinn að ýta að innkeyrslunni okkar. Veðurfræðingurinn spáði 20 cm jafnföllnum snjó næstu nótt. Vitið þið  hvað það eru margar skóflur?

17. Janúar 2008 

Helvítis veðurfræðingurinn hafði rangt fyrir sér. Við fengum 35 cm af hvítaskít í þetta skipti. Ef það heldur svona áfram þá bráðnar þetta drasl ekki fyrr en um mitt sumar. Snjóruðningstækið festi sig í götunni og helvítis fíflið kom og spurði hvort ég gæti lánað honum skóflu.  Eftir að hafa sagt honum að ég væri búinn að brjóta sex í vetur við að moka í burtu snjónum sem hann ýtti jafnóðum inn í innkeyrsluna, munaði minnstu að ég bryti eina enn á hausnum á honum.

20. janúar 2008 

Komst loksins út úr húsi í dag. Fór í búðina að versla og á leiðinni til baka hljóp hreindýr fyrir bílinn. Skemmdir upp á tugi þúsunda. Vildi að þessum helvítis kvikindum hefði verið útrýmt síðasta haust.

25. janúar 2008

Fór með bílinn á verkstæði í bænum. Ótrúlegt hvað þetta ryðgar af öllu þessu saltdrasli sem þeir strá á vegina.

2. Febrúar 2008

Jæja við erum búin að pakka öllu niður og ætlum að flytja til Marokkó. Skil ekki að nokkur maður með viti skuli vilja búa á skítaskeri eins og Íslandi! Ég hata þetta land og ef ég sé svo mikið sem snjókorn aftur í þessu lífi þá veit ég ekki hvað ég geri...en það verður ekki fallegt. Ísland, farðu í fúlan pitt. 

 

Kveðja

Jac

Ha? Þurfti að taka það fram??

Þurfti í alvöru að taka það fram í fréttinni að geimfarið væri mannlaust? Svona í alvöru talað, þurfti þess? Var virkilega einhver á ritstjórninni sem spurði blaðamanninn sem skrifaði fréttina.... ööö en Palli, hvað með mennina um borð í geimfarinu, er ekki rosa ofsa heitt þarna við Merkúr, þar sem hann er svo fokking nálægt þessi gula flykki, sólinni ? Hvað gerir Palli blaðamaður þá? Nú, hann stimplar inn í Nokia N95 8gígabæta gsm símann sinn [phone] hjá höfuðstöðvum NASA í Washington DC og biður um Bossinn sjálfann..... Yes, this is the Boss of NASA segir rám rödd í símann og Palli segir á fullkominni Pidgin Enskunni sinni sem hann lærði þegar hann vann sem yfirsmyrjari og Dildomaster í The Pornication Ultimate Roadshow í Bangladesh 1987, hello mr Boss of NASA, Can you please tell us reporters of MBL in Iceland, are there any personel aboard the spacecraft orbiting Mercury at the moment? Fokk no!? svo er skellt á. Hvað sagði hann Palli, spyrja allir á ritstjórninni, hvað sagði hann??? Ja, segir Palli,sem þrátt fyrir allt var ekkert of sleipur í enskunni.... hann sagði að farið væri mannlaust.

Kveðja

Jac

Merkúr kemur á óvart