Afhverju .....

Afhverju man ég ekki eftir því að vörugjöld hafi verið felld niður af bensíninu 2002 ? Getur það hafa farið svo kyrfilega framhjá mér að Rabbabaradjúsinn (lesist umorðað)hafi lækkað svona mikið ? Vonandi að það verði gripið til aðgerða og það fljótt.

Annars var ég að sjá á TOP-GEAR í gær að það er komið prototýpu eintak af Brint bíl sem gengur fyrir sjó. (þetta er sennilega vetnisbíll) Hann verður kannski kominn á almennan markað eftir 10-15 ár sögðu þeir Topp gírsmenn. Þá er það varla nema von að Rabbabararnir í OPEC skuli halda olíuverðinu í hæstu hæðum því ef að olíuverð fellur þá eiga þeir erfið ár í vændum greyin.

Jac

Vilja að ríkið felli vörugjaldið niður um tíma

Hey hey fokkin Hó !

Var rétt í þessu að horfa á opnunaratriðið í lokaþætti Júróvisjónvalsins á Íslandi. Bara nokkuð vel samansett og flott, en því miður var míkrafóninn hjá Thelmu eitthvað bilaður svo ég heyrði ekkert í henni.

Svo kom að laginu sem vann þessa keppni. Æ ég veit ekki, það var ekkert að gera fyrir mig persónulega og mér fannst það bara vera hálf hlutlaust. Svo kom hið hrikalélega lag Barða einhverss sem ég kann engin deili á ! Hey hey hó hó...Guð minn góHóður !!! Ég held að það sé leitun að lélegra lagi ! Litla snotra stúlkan með fölsku röddina og þessi ámáttlegu vaxtarræktar gaurar berjandi bumbur var bara alls ekki að virka ! Ég þakka þjóðinni bara fyrir að velja þetta ekki yfir sig.... fyrir mig þá var þetta eins og Villi Vill Júróvisjónsins.... Ankannalegt og úr takt við alla almenna skynsemi. Ekki orð um það meira.

Í gær spennti minn á sig nýjan hjálm og fór af stað í smá hjólatúr, þann fyrsta eftir hið sorglega klaufalega hjólaslys í Október. Ég ætlaði að hjóla ca 3 km því að ég hef nú ekki úthald upp á marga fiska eins og gefur að skilja. Jæja hvað gerist?

Minn tekur bara ranga beygju og eftir margra klukkustunda púl kem ég inn í bæ sem heitir Næsbyhoved Broby? Ha ? Hann átti ekkert að vera innifalinn inn í þennann litla hjólatúr minn... ég settist hágrátandi í vegakantinn og hringdi titrandi röddu á leigubíl með hjólagrind til að láta skutla mér heim. Nei því miður, við bara förum ekki út í rassgat, hjólaðu til Korup og við ræðum málin. Já já Korup er bara 4000 kílómetra í burtu þegar maður er orkulaust aumingjafyrirbæri með rassæri í þokkabót.

Ég þurrkaði tárin og slefuna og lagði af stað... hálftíma seinna skrönglaðist ég inn í Korup, uppgefinn á sál og líkama og hálf uppþornaður af öllu grenjinu. Jæja ég reyndi að hringja aftur á leigubíl og var spurður hvert ég ætlaði? Í Villestofte, svaraði ég móður. Ha ? ertu að Fokka í okkur fáviti? Drullastu til að hjóla restina bavíaninn þinn, þetta eru ekki nema 3 kílómetrar eftir!!! Svo var skellt á. Ég skal aldrei fokking nokkurntímann panta mér taxa hjá leigubílastöðinni hér í borg aftur !!! Sveittur,slefandi en með þurra hvarma vegna vatnsskorts, hjólaði ég inn í Villestofte 15 mínútum síðar.

Rétt áður en ég renndi í hlað hringdi síminn og var það Guðbjörg á línunni, hæ ástin mín, hvernig gengur, ég er farin að hafa áhyggjur af þér enda ertu ekki vanur að vera útivið lengur en 7 mínútur? Of móður til að tala umlaði ég að ég yrði kannski heima, ef guð og lukkan lofuðu eftir svona 2 mínútur. Mér hlýtur að hafa liðið eins og sjálfsöruggum Rabbabara rétt áður en hann tendrar á sprengjubeltinu sínu, ég var kominn heim í hlað eftir ótrúlegt þrekvirki og var eiginlega hálf hissa á því að það var ekki búið að strengja borða þvert yfir götuna og tekið á móti mér með blómum og kossum !? Skemmst frá því að segja að þetta hjól verður nú ekki snert nema GPS tækið verði með í för... og þá er ég ekkert að tala um eitthvað Garmin rusl, heldur alvöru MIO tæki !!!

Kveðja

Jac

Sko ef þetta er......

Já ef þetta er ekki helvíti góð hæðni á þessa fjárans Austantjalds svindlveislu tóneyraskemmandi gaulverksins sem kallast Eurovision en ætti að heita í dag EasternVision, þá veit ég ekki hvað! Ég er persónulega á móti því að Íslendingar og Danir skuli senda inn lög í þessa keppni, og reynda er ég á móti því að allar þjóðir sem stóðu að gamla góða Júróvisjón skuli ekki draga sig í hlé frá þessu austantjalds svika makki. Leyfum þeim að hafa Svindlóvisjón bara fyrir sig og við hin reisum júróið úr öskunni og njótum þess aftur að heyra hjartkæra en glataða smelli eins og Húbba Húlle húlle, Sjamu la ví og að ógleymdum Bobby Sokks frá Noregi.

Jac

Hættur að horfa á Júróvisjón að óbreyttu

Kalkúnn fulltrúi Íra á Eurovision

Ég spyr bara....

Konur !! Hvernig í fjáranum farið þið að því að hugsa svona sjaldan um kynlíf ? Bara einusinni á hverjum 14 mínútum? Halló, og hvað á svo að hugsa um hinar mínúturnar? Ekkert ? Ja mér þykir þetta kynkuldi í lagi. Ekki nema von að einhverjar konur kvarti undan kynlífsskorti ef þær gefa sig ekki betur að þessu dásamlega fyrirbæri sem kynlífið er, meira en raunin virðist vera!? En jæja, best að viðurkenna að meðan þetta var ritað, datt mér kynlíf amk 62 sinnum í hug og horfði á tvær klámmyndir. ásamt því að hringja í stefnumótalínu, klámlínu og bögga eldri frænku mína sem býr ein.

Nei, ég bara segi svona..... auðvitað er þetta bull ! En samt einkennilega tilgangslaust að vera spá í hversu oft hver og einn spáir í kynlíf oft á klukkustund, ég meina.... líður okkur betur að vita það?

Mér er nokk sama, en þér?

Jac

Blautir draumar í vinnunni

Ég sá umrædda útsendingu....

Já já ég var að horfa á útsendingu í Túkmenistanska sjónvarpinu og sá umræddan Kakkalakkaskratta og það var ekki sjálfur Kakkalakkaskrattinn sem vakti athygli mína heldur fáni stjórnarandstöðunnar sem hann var með í vinstri framfót og veifaði honum ákaft framan i myndavélarnar, einnig sú staðreynd að hann las upp á lýtalausri Íslensku hæðniskvæði um þaulsetningu Villa Vill og endaði Kakkalakkaskrattinn á níðvísu sem heitir "Fólk er fífl" Hvað hann var svo að gera í Túrkmenistan er svo annað mál, en það hefur reyndar verið afar auðvelt að koma skoðunum sínum á framfæri í því landi eftir lát Turkmenbashi heitins.

Jac

Örlagaríkur kakkalakki

Dásamlegt !!

Þetta er ein fallegasta frétt sem ég hef lengi séð ! Mitt í allri fjármálakrísunni, Íraksstríðinu, hertari refsingar á hendur Írönum, kosningaúrslitum í Pakistan með ófyrirsjánlegum afleiðingum þar sem að Mussaraff á pottþétt eftir að "Ræna" völdum enn og aftur, og fleira og fleira..... þá fáum við svona fallega frétt..... um markaðsetningu á þvottaefni í Noregi ! Ekki misskilja mig, ég er einn af þeim sem finnst fjölmiðlar einblína of mikið á svartnættið, hið annarlega og öfugsnúna en minna á hið fallega og væmna í lífinu, sem þó gefur því svo mikið gildi. Það er hreint og beint hressandi að lesa þetta þvottaefnis-markaðsátak sem á sér stað í Noregi, við vitum jú að Norðmenn hafa angað af OMO alltof lengi svo tími til kominn að breyta aðeins til. Verði þeim að góðu. MBL, takk fyrir beinskeittann fréttaburð, þið klikkið ekki á því frekar en fyrri daginn

Jac

Nýtt sápustríð yfirvofandi í Noregi

Í alvöru ??

Hélt einhver þarna úti, að Villi myndi segja af sér? Halló !!! Hélt það einhver ? Ekki ég að minnsta kosti. Það hvarflaði ekki að mér eitt augnablik að hann myndi segja af sér, enda... af hverju ætti hann að gera það? Út af siðferðinu? Ok, er það til í Íslenskri pólitík? Siðferði er eitthvað sem allir eiga að lifa eftir... nema þú sért í pólitík, þá er það notað sem viðmið við almennt norm. Og takið eftir...sem Viðmið ! Alla storma lægir um síðir og þar sem að fólk er fífl, þá lægir suma storma fyrr en aðra.

Jac

Vilhjálmur ætlar að sitja áfram

Geðveiki er málið !

Það er nokkuð ljóst að fólk sem hringir í slökkviliðið og tilkynnir Gabb-Bruna, er eitthvað veikt á geði, svo það ætti að meðhöndla þetta mál með það í huga. Þegar fólk fer að setja fram allskyns hótanir og skítkast gagnvart svona gabb-innhringjurum, má ekki gleyma því að hver sá eða sú sem þetta gerir er alvarlega veikur á geði og ekki fær um rökrétta hugsun. Nema auðvitað að þetta séu börn undir 5 ára aldri en það ætti að vera auðvelt fyrir símasvörunarmanneskjuna á 112 að heyra það.

Jac

Gabbútkall hjá slökkviliði

Ha?

Þessi fyrirsögn fékk mig til þess að brosa duglega út í annað  Er það ekki meiningin að blessað tunglið myrkvist í Tunglmyrkva? Einhvernveginn hljómar þessi fyrirsögn eitthvað svo innilega óörugg og spyrjandi... það vantar bara tvö upphrópunarmerki og spurningamerki til að fullkomna hana !!? Hehehehehehe

Kveðja?

Jac !!?

Tunglið myrkvaðist

Noh !!!

Það er eins gott að Löggan geri ekki rassíu heima hjá mér !! Ég er neflilega algjör trassi á að geyma kvittanir og svoleiðis snepla þannig að það yrði frekar erfitt fyrir mig að sanna að ég ætti í rauninni garmana sem ég stend í og fylla einnig skápinn minn. Jæja það er kannski best að ég haldi bara áfram að feta hinn þrönga veg réttvísinnar og vona að ég verði ekki "Rassíaður" fyrir einhvern misskilning

Jac

Hluta af varningnum skilað til hinna grunuðu