Bara fokking æðislegt !

Sko, gaur sem rauk í fýlu 1995.... og er að mínu mati alveg hreint hundleiðinlegur karakter auk þess að syngja í tóntegund sem ég á afar erfitt með að þola, ætlar að "fyrirgefa" félögum sínum fyrir að hafa komið sér í fýlu fyrir 14 árum síðan !!!

Er þetta bara ekki F**** æðislegar fréttir í kreppunni ?

Mér létti svo mikið við svona vandaða fréttamennsku að það er bara eins og sumarið sé komið!

Það að gömlu (ónytjungs) félagarnir vilji "ólmir" fá hann aftur í hljómsveitina undar mig ekki hið minnsta.... þeir eru greijin búnir að vera með falska píkuskræki í 14 ár og það er bara ekki búið að vera að gera sig.... auðvitað vilja þeir fá skræk númer 1. til aðstoðar og kannski hala inn eitthvað meira í veskið en dugar þeim í strætó!?

Ég legg annars til að MBL hafi einn svona dag, þar sem að þeir kippi út öllum neikvæðisfréttum og setji inn ekkert nema fréttir og slúður af td fræga fólkinu !!! Guð hvað það yrði mikil og dásamleg tilbreyting.

Með bestu kveðjum

Jac

Snýr Robbie aftur í Take That?

Í allri alvöru ?

Getur þetta virkilega verið... á því herrans ári 2009, að það sé reynt að "lækna" samkynhneigð ? Ég bara á ekki til orð.... eitt augnablik hélt ég að þetta væri fréttaskot frá 1809 en svo var víst ekki.

Merkilegt nokk þá er ég yfirlýst Lesbía. Ég hneigist kröftulega að konum... hmmm best að fara varlega enda þrælgiftur og í hamingjusömu hjónabandi svo ég segi bara að ég hneigjist að "Konu" :)...... og ekki vil ég að mér verði "kennt" að vera "hinseginn" !

Hver ætli svo fari á svona "námskeið" ?

Ef ég væri óbundinn og samkynhneigður..... þá mundi ég skella mér. Þetta væri jú perfect staður til að hitta áhugavert fólk :)

Hahahahah æ fyrirgefiði.... ég er bara með rugluna svona snemma morgns.

Bestu kveðjur......

Jac Norðquist

PS

Smá könnun

Ef þú smelltir á þessa frétt hér á MBL..... ertu þá samkynhneigð/ur ? eða áhugamanneskja um samkynhneigð?

 

Enn reynt að lækna samkynhneigð

Sko..merkilegt !

Það er alltaf þannig að þegar svona fjármálastofnanir fara á hausinn... þá tapa þeir sem eiga peninga í viðkomandi fyrirtækjum.... en merkilegt nokk.... skuldararnir tapa aldrei skuldunum sínum. Þær færast bara á aðrar hendur og haldið verður áfram að rukka þær. Ekki sanngjarnt að ég geti tapað 3 milljónum í SPRON á peningavaxtabréfum en svo halda þeir áfram að rukka mig um 700.000 yfirdráttinn sem ég var með hjá þeim !

(Þetta er bara tilbúið dæmi)

En ég segi bara..... helvítis fokking fokk

Kveðja

Jac Norðquist

Gat ekki staðið við greiðslur

Ný færsla á skáldsögublogginu mínu

http://coma.blog.is/blog/coma/

Kíkið endilega og látið mig vita hvort ég sé á réttri leið með "Rithöfundadrauma" mína eða hvort ég eigi hreinlega að hætta þessari vitleysu og halda bara kjafti !!!

Bestu kveðjur

Jac Norðquist

Næst er það....

Næst er það HB Grandi ! Þeir ættu að sjá sóma (ef einhver er) sinn í því að hætta við þessar "arð" greiðslur og hækka launin hjá starfsfólkinu.

En haldiði að það gerist ?

Ég er ekki svo viss

Jac

AIG látið skila risabónusum

Hugsa sér

Ég sem.... æ fjárinn, ég gleymdi alveg hvað ég ætlaði að skrifa um, en það var pottþétt eitthvað til að mótmæla því að andleg hnignun.... eitthvað... æ þú veist.... ohhh man ekki alveg en ég er sko á móti einhverju og varð að skrifa eitthvað um það.... gott að ég er sko ekkert farinn að kalka (banka í borð 7.9.13.) .... hmmmm það er einhver að banka, verð að fara til dyra.... kveðja

Jac

Ungur og ferskur

Andlega hrörnunin byrjar við 27 ára aldur

Skáldsaga

Jæja, minn er bara byrjaður að skrifa "skáldsögu" !

Ég er að gera tilraun að skrifa hana hér á Moggablogginu því þannig ræð ég hraðanum betur finnst mér og svo er auðvitað ákveðið aðhald í því að vita að fólk er (kannski) að lesa söguna þannig að maður nær að halda sér betur við efnið. Ég hef gert fjöldann allan af tilraunum til þess að skrifa sögur en alltaf misst dampinn á byrjunarreit. Við sjáum hvað gerist með þessa sögu.

Ég fékk hugmyndina að henni á ferð heim úr vinnunni um daginn og hreinlega varð að rita hana niður. Grófhugmyndin fjallar um mann sem lendir í dái og hvernig hann tekst á við það.....

Ég stefni á að setja inn amk eina færslu í viku eða allt eftir því hvernig mér blæs í brjóst. Ég vona að þú sem þetta lest, kíkir á síðuna og jafnvel látir í ljós þitt álit ? Hvernig væri það nú :)

Mínar allra bestu kveðjur

Jac Norðquist

Rithöfundur Wannabe ;)

Æ bara allt .....

Æ það er bara allt ágætt að frétta héðan úr Danaveldi. Reyndar gengur afar brösuglega að finna almennilegt húsnæði en það hlýtur að koma. Guðbjörg er reyndar aðeins farin að gefa sig með staðsetninguna þar sem að við erum búin að auglýsa bæði á netinu og í blöðunum ásamt því að fara með auglýsingar í búðirnar og nákvæmlega EKKERT komið inn á borð til okkar.

Við erum semsagt farin að leita út fyrir hverfið að húsnæði. Það er svolítið svekkjandi því að við vorum svo ákveðin í því að hafa drengina í sama skóla þótt við flyttum okkur í hentugra húsnæði.

Í dag er svo Matarklúbbur hjá Mikael :) 5 bekkjarsystkini hans koma og borða með okkur kvöldmat. Gabríel fær náðsamlegast að vera með ;) Ég hafði hugsað mér að fara bara með hann á rúntinn og gera honum lífið aðeins léttara því þetta er jú bundið við bekkinn hans Mikaels, það er ekkert svona hjá bekknum hans Gabríels og honum finnst hann vera útundan litla skinnið. En nei nei, Mikael bauð honum bara að vera með í morgun og Gabríel þáði það með þökkum og vandamálið leyst. Ég var ekkert smá stoltur af þeim bræðrum að leysa þetta svona fallega.

Nefið á mér er allt að koma til. Ég er reyndar frekar aumur í nefbroddinum en þar eru einmitt saumar (innanverðum nefbroddinum) en það hlýtur að fara að jafna sig. Það hefur ekkert blætt neitt að ráði síðustu tvo dagana svo allt er þetta að komast undir kontról.

Svo eru skemmtilegar fréttir !

Bjössi bróðir minn ásamt 3 börnum sínum, ætla að koma og vera hjá okkur yfir Páskahátíðina ! Bara frábært og er okkur bara farið að hlakka til.

Núna er ég á fullu í vinnunni að búa til Markaðsrannsókn á Íslandi. Ég er að reyna að skoða möguleika fyrir fyrirtækið sem ég vinn hjá að selja blómapotta til blómabænda uppi á Fróni. Þetta er svokallað "Added Value" fyrir blómabændur. Það er að segja, ef þeir senda tildæmis Orkídeuna sína eða Jólastjörnuna í fallega designuðum potti á markað, eykst verðmæti plöntunnar frekar en að senda blómið í brúnum plastpotti... ekki satt?

Ég er í það minnsta búin að fá nokkur svör frá formanni blómabænda á Íslandi og er í þessum skrifuðu orðum að vinna úr þeim svörum.

Myndin hér að ofan er tekin af mér og eru þetta blómapottar hannaðir af hönnuðinum okkar.

Bestu kveðjur í bili

Jac Norðquist

NoseJob

 

Ég fór í nef-aðgerð á þriðjudaginn upp á OUH (Odense University Hospital) og gekk aðgerðin ágætlega. Það kom reyndar upp smá vandamál sem mér var sagt frá eftirá. Málið er að ég fór í svipaða aðgerð 2001 á Íslandi. Það átti að reyna að víkka aðeins nebbann minn innanfrá vegna þess að ég hef alltaf átt erfitt með að anda almennilega gegnum nefið. Jæja, ég fór í aðgerð 2001 eins og fyrr segir en því miður heppnaðist hún ekki nógu vel og læknirinn vildi taka mig aftur í aðgerð. Vegna tímaleysis og allskyns afsakana var ég bara ekki tilbúinn fyrr en núna.

Hér kom svo í ljós í miðri aðgerð að það var eitthvað brjósk fyrir sem hefði átt að fjarlægjast í síðustu aðgerð... hmmmmm þannig að læknirinn hér var eitthvað hikandi og kallaði á yfirlækninn og í sameiningu hömruðu þau nefið á mér í nothæft ástand. Ég missti víst helling af blóði og 30 mín aðgerðin tók víst bara 3 tíma þegar upp var staðið.... eins gott að ég var bara sofandi meðan á hasarnum stóð !!! :)

Ég vaknaði svo seint og síðarmeyr og lá uppi á deild í sólarhring eða þar til að Guðbjörg og Hekla komu að ná í mig í gær. Síðan er ég búinn að vera fastur við sófann hér heima og með nefið upp í loft. Ég lýt alveg eins út og Mr. PiggyMan.... Hahahaha nefið allt plástrað og það eru tvö lítil rör í sitthvorri nösinni.... oink oink !!!

Börnin mín hálf hrædd við mig en drengirnir komu samt og knúsuðu pabba sinn í bak og fyrir. Þeim finnst þetta voða skrítið að sjá mig svona. Hekla Rós bara brosir og er gleðin uppmáluð þegar hún sér mig... henni langar samt alveg rosalega að klípa í nebbann minn !!! Hahahahaha

Jæja ég ætti að losna við þetta á morgun vonandi, enda verðum við með matarboð annaðkvöld... það verður ekki boðlegt að bjóða gestunum upp á þetta við matarborðið hehehehehe.

Jæja best að fara halla sér aftur með nefið upp..... púha.

Bestu kveðjur til ykkar sem þetta lesið. Takk fyrir falleg komment á síðustu færslur, bæði þið sem senduð einkaskilaboð og þið sem skrifuðuð í kommentin.

Jac Norðquist

Gáttaþefur  

Heimspekilegar umræður við son minn

Ég kom heim í gær eftir vinnu með alveg gríðarlega magaverki. Ég hafði borðað tvær plómur fyrr um daginn og þoldi þær greinilega ekki í mallakútinn minn. Jæja, þegar heim var komið lagðist minn bara upp í rúm til að jafna mig og fljótlega kom Mikael inn til mín og settist upp í hjá mér til að spjalla og halda pabba sínum félagsskap. Þetta varð hin besta skemmtun því að við ræddum allt milli himins og jarðar. Hvernig Molekúlur og atóm virka, hvað er það sem heldur rafeindum saman og allt í það hvernig þróun lífs á jörðinni upphófst. Það var líka farið út í skilgreiningu á Spider-man og geislavirku kóngulónni sem beit hann og gerði hann að Kóngurlóamanninum.

Þetta var rúmlega einn og hálfur tími sem við sátum þarna uppi í rúmi og spjölluðum og ég verð að segja að þetta spjall gaf mér alveg ótrúlega skemmtilega innsýn í litla fallega drenginn minn. Ég upplifi það mjög sterkt gegnum samband okkar drengjanna minna, hversu ömurlegt það var fyrir mig að vera “föðurlaus” í æsku minni. Ég man að strax á unga aldri, þráði ég ekkert heitara en að fá að miðla þekkingu minni til barnanna minn, sem ég átti vonandi eftir að eignast. Núna er ég byrjaður að upplifa þennan draum minn og ég verð að segja að það er bara hreint út sagt dásamlegt.

Það var svo alveg brjálæðislega skondið þegar Mikael fór svo fram og sagði við bróðir sinn og átta ára gamlan frænda sinn sem er í heimsókn hjá okkur: “Strákar, vissuð þið að við erum búnir til úr Kúlum?” !

Annars eru frænkur Guðbjargar í heimsókn hjá okkur fram á Laugardag og er búið að vera ferlega skemmtilegt að hafa þær hjá. Það er reyndar alveg merkilegt hvað við erum farin að tala “bjagaða” Íslensku og fáum við óteljandi skot á okkur allan liðlangann daginn. Þetta er orðið eitthvað svo ómeðvitað að segja hlutina á DönSlensku að við tökum ekki eftir því lengur sjálf. Bætum úr því hið snarasta. Hreint mál, Fallegt mál. Íslenskt já takk.

Nú ætla ég bara að þakka þér sem lest þetta fyrir lesturinn. Megirðu eiga góðan dag

Bestu kveðjur héðan úr Danmörkinni

Jac Norðquist