Expresso planið

Sko, ég verð að gera eitthvað við þessari svefnþörf litlu dóttur okkar ! Litla krúttið sefur ca 23 tíma á sólarhring og leggur sig þess á milli. Það þýðir að ég fær ekki mikinn vökutíma með henni. Ef hún slysast til að vaka, gengur lífið út á það hjá henni að fá brjóst.

Ég á við svipaðan vanda að stríða svo hún er í beinni samkeppni við mig.... en það er ekki málið svosem, mig vantar meiri krútt-tíma með henni. Þegar, þessi örfáu skipti sem hún er ekki á brjósti og er vakandi, þá vill mamma hennar vera með hana..... grrrr !!!  Ég á tvíbura drengi sem eru að verða sex ára í Nóvember, þegar þeir voru litli þá var þetta ekkert vandamál, við einfaldlega skiptum þeim bróðurlega á milli okkar.... ekkert vandamál. Núna er bara eitt kríli og við viljum bæði meiri tíma með henni.... ég ætla að bera undir ykkur hugmynd.... ætti ég ekki bara að lauma tvöföldum expressó í pelann hennar? Sú yrði hress og vakandi skal ég segja ykkur !!! Svo þegar áhrifin fara að vara af... þá er bara að rétta hana til mömmu sinnar og segjast þurfa að læra undir próf.... er þetta ekki bara snilld?

Jac Norðquist

 

Nú haustar....

Það er að verða hasutlegra hér á Fjóni með hverjum deginum sem líður. Laufin falla eitt af öðru og ormarnir klæða sig í vetrar-hosurnar og lopavettlingana. Hér flýgur sauðkindin suður á bóginn og beljurnar gera sig klárar fyrir vetursetu. Stöku hross verður eftir á vatninu og minni ég bændur og búfólk að vera duglegt að gefa þeim brauðmola yfir hörðustu vetrardagana.

Nú er bara að vona að helvítis Glóbal-Warming kjaftæðið sé útrunnið tískufyrirbæri og við fáum verðskuldaðan snjó í vetur.

Ég minni á Hells Angels söfnunarmaraþonið sem hefst annað kvöld. Ætlunin er að safna fyrir byssum og byssukúlum fyrir greyjið kallana því að þeim hefur reynst erfitt að halda á hvorutveggja. Gjarnan rata kúlur þeirra gegnum búðarglugga hjá saklausum Músli-köllum sem eiga ekkert nema kóran, miða inn á heilagt stríð og nokkrar handsprengjur.

Ég legg til að ef þú hefur nennt að lesa þetta hér að ofan, þá ættirðu að standa upp, slökkva á tölvunni og fá þér áhugamál !! Hahahahaha, æ ég er bara að flippa út hér í afar leiðinlegum Global Economy tíma og satt best að segja leiðist mér líka. Konan er heima með litlu dúlluna okkar og ég væri meira en lítið til í að njóta þess með þeim.

Ef þú lest þetta elskan mín, þá sakna ég þín... nú ef þú lest þetta ekki..... þá ættirðu að sýna áhugamálum mannsins þíns meiri áhuga ekki satt ? Hahahahahahahaha

Æ ég er hættur, kennarinn er farinn að lýta á mig, svona illa glottandi sem ég er núna.

Bestu kveðjur

Jac

Ómæ ó-mæ !!

Ætli aumingja starfsfólkið uppsagta, hafi þurft að bera út uppsagnarbréfin til sín sjálfs?

Nei, ég segi svona ;) Vonandi gengur þeim vel að fá aðra vinnu.

Jac

Uppsagnir hjá Íslandspósti

Þarf ekki.... ?

Þarf ekki verðbólgan að vera undir ákveðnum mörkum til að hefja viðræður um evruupptöku ? Hvort sem það er einhliða, tvíhliða eða gegnum þriðja aðila ;)

Bara spyr?

Jac

Neikvæð viðbrögð frá ESB koma ekki á óvart

Hvað er betra...?

Drengirnir vöknuðu klukkan 06:20 eins og á virkum degi væri ! Það er sko ekkert tekið tillit til þess að foreldrarnir þurfi sinn helgar-bjútísvefn, onei.... Ég náði þó að staulast fram og knúsa þá örlítið og koma þeim í bælið aftur, án þess að nota hótanir.... aðrar en þær að svefnskrímslið myndi rífa af þeim eyrun og nota í hálsmen ef þeir mydnu ekki sofna strax !!! Hahahaha auðvitað ekki, hvað haldiði að ég sé ? Nei nei, þeir lögðust á koddann og ég fékk heilar 20 mínútur áður en þeir vöknuðu til fulls.

Ég leyfði þeim að horfa á Disney-Channel og lagði mig enn og aftur upp í til konunnar og litlu dúllu. Gaurarnir voru alveg rólegir í ca klukkutíma en þá stóð til að fara á fætur, en þá heyrðum við hjónin að þeir voru eitthvað að hvíslast á... þegar drengirnir mínir fara að hvísla, þá fyrst heyrum við í þeim :) Þetta eru mestu mistök sem börn gera... að fara allt í einu að "lækka" í sér !

Jæja, við lágum róleg því að við vissum að þeir væru að koma inn til okkar... nema hvað að þögnin ílengtist.... ? Hmmmm hvað var í gangi? Það eina sem er að gerast þegar tveir fimm, alveg að verða sex, ára drengir verða "hljóðlegir, er að þeir eru að gera eitthvað sem ekki má!

Hjartað í okkur fór að slá örlítið örar og ég fór yfir það í huganum hvaða hættulegu hlutir lægju á glámbekk sem gætu mögulega skaðað þá eða okkur, í þeirra litlu höndum. Skammbyssurnar, lágu auðvitað hlaðnar og öryggið af, á stofuborðinu (My American heritage), hef ekki trú á hnífastatífum svo að kjötsveðjurnar eru allar á eldhúsbekknum og hvaða maður með mönnum leyfir ekki börnunum sýnum að eiga Zippo eða tvo í herberginu sínu?

Ég hnusaði út í loftið en fann enga brunalykt svo að þeir voru ekki í Zippo leik, byssurnar voru ekki með hljóðdeyfinum svo ekki voru þeir í Káboj leik, hnífarnir voru óvenju bitlausir svo þeir hefðu enga gleði af þeim.... hvað þá? Hvað voru litlu púkarnir að bardúsa?

Maaaaaama Paaaabbi !!!  Ekki koma inn í herbergi til okkar !!!

What? Hvað eru þeir að gera? Ég tók eftir því að ég heyrði í þeim báðum svo ekki var málið að einn var búinn að "Offa" hinum, svo hvað var í gangi..... Ég leit á konuna og hún á mig, það var spurn í augum okkar. Fjárinn hugsaði ég, ætli við komum á forsíðu Extra Blaðsins, hvað er málið með drengina okkar, hvað eru þeir að gera af sér?

Það kom að því að þeir komu fram og báðu okkur, graf alvarlegir, að fylgja sér inn í herbergi. Við hlýddum, þorðum hreinlega ekki öðru.

Þeir höfðu verið að taka til í herberginu sínu og var það bara orðið hreint og fínt !!!!

Jahérna hér !! Það lýtur út fyrir að ást, umhyggja og slatti af foreldralegri þolinmæði sé að bera ávöxt, litlu strumparnir hlusta þá á okkur eftir alltsaman? Börnum líður betur í hreinu herbergi...... ég leit á konuna, mikið er ég stoltur af drengjunum okkar ástin, sagði ég við hana, já og ég líka sagði hún við mig......

Frábært að láta koma sér svona á óvart í morgunsárið.

Bestu kveðjur

Jac Norðquist

Atlögurnar....

Já það er greinilegt á orðum Davíðs að atlögur að krónunni eru greinilega ekki hættar þrátt fyrir málarekstur á hendur óprúttnu aðilunum sem gerðu atlöguna í sumar ! Hvað er málið?

Jac

Davíð segir að krónan muni ná sér

Já það má .....

Það má þakka fyrir að ekki fór verr. Hér létust 2 drengir við svipaðar aðstæður. Það fannst ekki flakið af bílnum fyrr en 11 tímum síðar ef ég man rétt, vegna þess að hann fór á hvolf ofan í skurð. Sorglegt. Sem betur fer komust þessir drengir tiltölulega vel frá þessu.

Jac 

Björguðu sér naumlega úr sökkvandi bíl

Hann sonur minn !!!

Ég var að taka flís úr olnboganum á Mikael syni mínum í gær. Hann var með tárin í augunum og spurði mig, pabbi, verður þetta rosalega vont?

Nei nei elskan, sagði ég, ekkert rosalega, en ef þetta verður vont, þá bara verður þú að bíta á jaxlinn ! Ég verð að ná flísinni svo það komi ekki sýking í sárið.

Jæja, hann herðir sig upp…. svo kveinkar hann sér örlítið og bítur svo fast í vinstri öxlina á sér. Hvað ertu að gera drengur, spyr ég steinhissa? Ég er að bíta á öxlina eins og þú sagði mér að gera ef ég meiddi mig, sagði hann alveg jafn hissa á að ég skildi vera hissa !?!?!?

Hahahahahahaha æðislega erfitt að springa ekki úr hlátri

Jac Norðquist

Hljómar.....

Þetta hljómar ágætlega miðað við ástandið í heiminum núna. P-1 er auðvitað skítt, en maður þarf að horfa í stöðuleikann. Það er fyrir öllu.....

en, góðar kveðjur

Jacc

Lánshæfismat ríkisins staðfest

Hahahaha Skoðið myndbandið !!!

Þetta er bara snilldarbrandari hjá McLaren, ég mæli með að fólk kíki á myndbandið sem fylgir fréttinni !!

Kveðja

Jac

Leynivopn McLaren í Singapúr?