Ég hata páfagauka !

  Konan mín fór í gæludýrabúðina um daginn. Hún sá þennan rosalega fallega páfagauk, blár hvítur rauður og með smá grænu líka. Á búrinu var verðmiði og stóð 250 kr á honum. Hva? Afhverju er þessi fallegi fugl svona ódýr, spurði hún búðarmannin hissa?Sko, ég verð að segja þér að þessi fugl var alinn upp í vændishúsi og hann á það til að segja nokkur miður falleg orð. Konan mín hugsaði sig aðeins um, en ákvað svo að kaupa fuglinn.Þegar heim var komið, hengdi hún búrið upp í forstofunni og beið svo spennt eftir því að hann segði eitthvað. Fuglinn leit forvitinn í kringum sig og sagði svo skrækum rómi „Nýtt hús, ný maddama“! Konan mín varð svolítið sjokkeruð yfir því að fuglinn héldi að hún væri „Maddama“ en ákvað svo að þetta væri nú ekkert svo slæmt, eiginlega bara fyndið.Dætur okkar tvær, Karen 12 ára og Hekla 14 ára, komu einmitt heim úr skólanum á sama tíma og konan mín var að brosa að fuglinum. Þá gellur í gauknum „Nýtt hús, ný maddama, nýjar gellur“! Konan mín og dætur fannst sér dálítið misboðið, en eftir að konan mín hafði útskýrt fyrir þeim hvaðan fuglinn hefði þennan orðaforða, gátu þær ekki annað en hlegið dátt.Stuttu eftir þetta vildi svo til að ég kom heim úr vinnunni, snemma, aldrei þessu vant. Páfagaukurinn horfði á mig og sagði „Sæll Jac“ !!!

 

Sorglegt en fyndið !

Já mér finnst þetta álíka fyndið og gaurinn sem tók skammbyssuna og miðaði á gagnaugað í sér, tók sex sinnum í gikkinn en hitti ekki !!

Mér finnst samt sjálfsmorð alltaf vera frekar sorgleg en skil þau samt að vissu marki. Það er neflilega einasta leið aumingjans út úr hinu svo hræðilega lífi ! Ég þekki því miður nokkra sem hafa kálað sér og enn fleiri sem hafa reynt það. Allt þetta fólk á það sameiginlegt að vera aumingjar á raunarstundu, hafa skilið eftir sig ung börn meira að segja. Einn félagi minn ákvað að það væri gríðarlega sniðugt að halda framhjá konunni sinni með stúlku sem við báðir þekktum fyrir ekkert annað en drusluskap og gleðikonuhátt. Jæja, þegar sú dræsa hafði mergsogið vin minn, fannst honum ekkert sjálfsagðara en að skríða aftur heim til konunnar og nýfædds barns þeirra !! Hún var nú ekki á því að hleypa kauða inn á sig aftur og sagði þvert nei. Hvað gerir þá auminginn vinur minn, hann framdi sjálfsmorð í bílnum sínum fyrir utan húsið hjá konunni og hún fann líkið um morguninn á leið með litla barnið þeirra í læknisskoðun. Ef ég hefði verið á staðnum hefði ég lífgað kvikyndið við og drepið hann svo aftur !!! Svona fullkomin sjálfselska og aumingjaskapur gerir mann reiðan. Mér er sama þótt þetta hefði verið kær vinur, hann eyðilagði það með aumingjaskapnum. Ég sé stundum lita barnið hans og fæ sting í hjartað. Hvernig er hægt að taka lífið sitt og fara á mis við svona elskulegt barn? Það á ég aldrei eftir að skilja, aldrei.

Ef þú sem lest þessar línur, færð yfir þig sjálsmorðs-tilfinningu, blessuð/aður slakaðu á ! Það birtir alltaf upp að lokum, maður bara verður að vinna að því, ekki bíða eftir að hlutirnir leysist af sjálfu sér, það gerist bara í bíó, ekki í þessu sem við köllum líf !

Kveðja

Jac

Sjálfsvígstilraun á röngum lestarteinum

Gott....

Það var gott að hann slasaðist ekki meira en raunin varð. Nógu illa hefði það geta farið svosem.

Ég var annars að lesa frétt um mótorhjólaslys á Vísir og þá rak ég augun í þessa mynd hér og þá rann upp fyrir mér ljós.... ekki aðeins á Vísir ENGA aðra mynd af lögreglu að skyldustörfum, heldur hafa þeir svo gríðarlega ofnotað þessa mynd að ég sá hana við amk 3 fréttir hjá þeim fyrr í vetur !! 3 sömu myndirnar allt með sitthvorri fréttinni og ólíkum atburðum sem áttu ekkert sameiginlegt annað en að lögregla var hvödd til. Come on vísir, það er hægt að kaupa fleyri myndir á smá prís ! Látið það nú eftir ykkur svona okkar vegna !

Kveðja

Jac

Missti stjórn á bifhjóli

Ha?

"við erum spenntir að sjá samstarfið batna milli færeyskra og íslenskra stjórnvalda.“

Þetta er nú hálf furðulega loðið orðalag finnst mér. Hvað þarf að batna? Jú, eitthvað sem hefur verið sjúkt eða í slæmu ástandi. Er það raunin með sambandið milli Færeyjinga og Íslendinga? Það held ég ekki. Ég er nokkuð viss um að þetta hefði mátt orða skynsamlegra eins og td "Við erum spenntir að sjá samstarfið aukast/eflast milli færeyskra og íslenskra stjórnvalda" en að óska eftir því að samstarfið "batni" þýðir bara að það að eitthvað sjúkt hefur gengið á !?

Bestu kveðjur

Jac

Karl V í góðum höndum

Copycat morð

Spáið í sjálfselskunni og þessari tæru ómenguðu heimsku ! Hann segist vera orðinn leiður á lífinu og er þá lausnin að drepa aðra? Það eru til geðfatlaðir einstklingar sem hafa ekki dug til að drepa sjálft sig en nota gjarna lögreglu til að sjá um það með allskonar brögðum svo sem hótunum og veifandi byssum (óhlöðnum). Það er sök sé en að raunverulega drepa 7 manns í þeirri von að lögreglan muni skjóta þig á eftir er bara hreinn og klár viðbjóður. Þegar maður les svona frétt, verð ég hlynntari því að upp verði teknar pyntingar á svona manneskjum. Þar sem að eru nógu mörg vitni að ódæðinu svo það fari alls ekki á milli mála að viðkomandi er gerandinn á skilyrðislaust að pína viðkomandi viðstöðulaust það sem eftir er af hans auma lífi ! Kannski harkalega sagt, en samt

Jac Norðquist

„Orðinn leiður á lífinu"

Listinn frá Gunnari

1.ERTU SKÍRÐ/UR Í HÖFUÐIÐ Á EINHVERJUM ?   Já Afi minn hét Gunnlaugur G-ið í nafninu mínu stendur fyrir Gunnlaugur

2. HVENÆR FÓRSTU SÍÐAST AÐ GRÁTA ? Það féllu nokkur tár þegar drengirnir mínir komu í heiminn.

3. FINNST ÞÉR ÞÚ SKRIFA VEL ? Já það finnst mér, nema það mætti vera skemmtilegra.

5. ÁTTU BÖRN ? EF JÁ HVE MÖRG ? Já, tvo syni 5 ára (Tvíburar) og eitt á leiðinni.

6. EF ÞÚ VÆRIR EINHVER ANNAR EN ÞÚ ERT,VÆRIRÐU VINUR ÞINN ?  Ég er mjög vinafár...svo ætli það nokkuð! Ég hlýt að vera afar leiðinlegur :( 

7. NOTARÐU KALDHÆÐNI MIKIÐ ?  Ég held það.

8. FÆRIRÐU Í TEYGJUSTÖKK ?   Ég kom í þennan heim vegna rifins gúmmí, ég ætla ekki að yfirgefa þennan heim vegna rifins gúmmís.

9. HVAÐA MORGUNMATUR ER Í UPPÁHALDI HJÁ ÞÉR ? Ristað brauð með osti og sultu.

10. REIMARÐU FRÁ ÞEGAR ÞÚ FERÐ ÚR SKÓNUM ? Nei! Ég nenni því aldrei

11. TELURÐU ÞIG ANDLEGA STERKANN ? Já sem betur fer.

12. HVERNIG ÍS ER Í UPPÁHALDI HJÁ ÞÉR ?  Syndsamlega góði ísinn frá Ben&Jerry´s.

13. HVAÐ ER ÞAÐ FYRSTA SEM ÞÚ TEKUR EFTIR Í FARI FÓLKS ?  Ef það horfir í augun á mér og heilsar þéttingsfast.

14. RAUÐUR EÐA BLEIKUR VARALITUR ? Það fer eiginlega eftir húðlit þess sem varalitinn ber

15. HVAÐ MISLÍKAR ÞÉR MEST VIÐ SJÁLFAN ÞIG ?  Viðkvæmni gagnvart gagnrýni, óþolinæði og sú satðreyns að ég sé með 10 bækur í ritun en næ ekki að klára neina þrátt fyrir að þær séu næsta Harry Potter dæmi... já og mín annálaða hógværð.

16. HVAÐA MANNESKJU SAKNAR ÞÚ MEST ?  Mér vefst tunga um tönn.
 
17. VILTU AÐ ALLIR SEM LESA ÞETTA SVARI ÞESSUM LISTA ? Ekkert endilega, en það væri gaman að sjá það samt.

18. HVAÐA LIT AF BUXUM OG SKÓM ERTU Í NÚNA ? Stuttbuxum, ber að ofan og berfættur (+29°c)

19. HVAÐ VAR ÞAÐ SÍÐASTA SEM ÞÚ BORÐAÐIR ?  Ég fékk mér lasanja í hádeginu

20. Á HVAÐ ERTU AÐ HLUSTA NÚNA ?  Leiðin okkar allra með Hjálmum.

21. EF ÞÚ VÆRIR LITUR, HVAÐA LITUR VÆRIR ÞÚ ? Dökk blár með hvítum jaðri

22. HVAÐA LYKT FINNST ÞÉR BEST ?  Ylmurinn af drengjunum mínum er ómótstæðilegur og svo nýji DIESEL for men.

23. VIÐ HVERN TALAÐIRÐU SÍÐAST Í SÍMA ?  Bjössa bróðir.

24. LÍKAR ÞÉR VEL VIÐ ÞÁ MANNESKJU SEM SENDI ÞÉR ÞESSAR SPURNINGAR?  Ég tek þátt vegna áskorunnar frá Gunnari frænda og bloggvini... og ég verð að segja að ég þekki hann lítið en langar mjög mikið að kynnast honum betur því ég er viss um að hnn hefur frábæran mann að geyma.

25. UPPÁHALDSÍÞRÓTT SEM ÞÚ HORFIR Á ?  Formúla 1.

26. ÞINN HÁRALITUR ?  Ég er með dökkbrúnt hár 

27. AUGNLITUR ÞINN ?  Grænblár.

28. NOTARÐU LINSUR ?  Já ég nota linsur

29. UPPÁHALDSMATUR ?  Hangikjöt á beini með kartöflumús..

30. HRYLLINGSMYND EÐA GÓÐUR ENDIR? Mér leiðast hryllingsmyndir og þoli ekki myndir sem enda ekki vel  

31. SÍÐASTA BÍÓMYND SEM ÞÚ SÁST Í BÍÓ ?  BeeMovie á Íslandi um páskana.

32. KNÚS OG KOSSAR EÐA LENGRA Á FYRSTA DEITI ?  Sko, það var allt reynt á fyrsta deiti í "gamla daga" og ef þær létu undan...missti maður áhugann.

33. UPPÁHALDS EFTIRRÉTTUR ? Ís með ávöxtum.

34. HVER ER LÍKLEGASTUR TIL AÐ SVARA ÞESSU OG BIRTA ? Ég veðja á að Stína vinkona mín taki áskoruninni

35. HVER ER ÓLÍKLEGASTUR ?  Það kæmi mér á óvart ef Jack tæki þátt

36. HVAÐA BÓK ERTU AÐ LESA ?  Skólabækur og svo Aviation Law & Meteorology.

37. HVAÐA MYND ER Á MÚSAMOTTUNNI ÞINNI ?  Engin mynd.

38. Á HVAÐ HORFÐIRÐU Í SJÓNVARPINU Í GÆR ? Elska Ugly Betty og svo horfðum við á High Fidelity.

39. ROLLING STONES EÐA BÍTLARNIR ?  Þoli hvoruga en báðir eiga 2-3 lög sem ég get hlustað á.
 
40. HVAÐ ER ÞAÐ LENGSTA SEM ÞÚ HEFUR FARIÐ FRÁ ÍSLANDI ? Bali og Kuala Lumpur ásamt Rio De Janeiro

41. HVERJIR ERU ÞÍNIR HELSTU EIGINLEIKAR ? Ég tel mig vera góðan eiginmann, pabba og vin. Að öðru leiti reyni ég að vera til staðar fyrir fólk ef það þarf á að halda. Öxlin mín er breið. 

42. HVAR FÆDDISTU ? Neskaupsstað

43. SVÖR FRÁ HVERJUM ERTU SPENNTUST/SPENNTASTUR AÐ FÁ SJÁ ? Stínu vinkonu

Þá er þessu lokið og þakka ég fyrir lesturinn

Jac 

Ég hef sjálfur....

Guði sé lof að þetta fólk komst lífs af úr þessari raun.

Ég hef sjálfur kafað þarna við Bali en sem betur fer vorum við á afar góðum stað þótt straumur væri þó nokkur. Þetta var í fyrsta sinn sem ég kafaði og ég skal sko segja ykkur að það var þvílík upplifun. Það er alveg nýr heimur þarna niðri og fallegur er hann líka. Draumurinn minn er samt alltaf að kafa einhverntímann í Peningagjá á Íslandi. Hef heyrt að það sé svakalegt. En já, gott að fólkið reddaðist.

Jac "The Diver" Norðquist

Kafarar fundnir á lífi

Einn góður

Ég er búinn að senda þennan í Séð&Heyrt !!!

Eldri maður í Suður Karólínu, Tom að nafni, átti stóran búgarð í útjaðri bæjarins. Hann var með stóra fallega tjörn á lóðinni sinn ekki langt frá búgarðinum. Hún var útbúin þannig að það var afar auðvelt og jafnvel freistandi að synda í henni ef vel viðraði. Við tjörnina voru stór og falleg epla og perutré. Kveöl eitt eftir mat, ákvað Tommi gamli að ganga niður að tjörninni og athuga hvort ekki væri allt í lagi þar. Hann greip með sér 10 lítra fötu til að tína nokkur epli og perur í. Þegar hann kom nær tjörninni heyrði hann hlátrasköll og glaum. Svo sá hann að það var hópur af ungum konum sem voru að baða sig naktar í tjörninni hans. Hann ræskti sig hátt svo þær yrðu hans varar og ekki stóð á viðbrögðum. Þær þustu allar í dýpri enda tjarnarinnar og ein þeirra hrópaði „Við komum ekki uppúr fyrr en þú ert farinn!“ Tommi gamli setti í brýrnar og sagði, „Ég er ekki hér vina, til þess að glápa á berar konur eða til að reka ykkur uppúr!“ Hann lyfti fötunni hátt á loft og sagði svo

„Ég kom bara til að fóðra Krókódílanna!“Mórallinn með þessari sögu? : Gamlir menn geta sko hugsað hratt !

Jac "The Crock" Norðquist

Ok, ég er alls ekki að....

Ég er alls ekki að gera grín að brunanum og þessu tjóni sem varð hjá ÍJ á Grundartanga... en ég get ekki annað en brosað duglega út í bæði þegar ég sá þessa línu í fréttinni " Einar Þorsteinsson framkvæmdastjóri sagði að starfsfólkið hefði brugðist hárrétt við og forðað sér frá hættusvæðinu."

Að hlaupa burt eins og Kjúklingar er einmitt hárrétt viðbrögð og guðsmildi að enginn slasaðist á harðahlaupunum !!!

Ég vann sjálfur í Íslenska Stálfélaginu forðum (gengt Álverinu í Hafnarfirði) og upplifði margar hætturnar þar. Þess vegna sé ég þetta svo vel fyrir mér.

Jac "RunningChicken" Nordquist

Eldur í járnblendi

Já þetta er töluvert leiðinlegt !!!

Ég verð að viðurkenna að ég hlakkaði til að skoða þessa vefmyndavél á netinu og fylgjast með afar kraqssandi fugla-samlífi..... ég er með svona FuglaFetish sko 

Annars legg ég til að í staðinn, meðan við "fuglaáhugamenn" bíðum eftir þessari myndavél, þá verði sett upp tímabundin vél sem sýnir okkur jarðraskið á Skólavörðustígnum ! Að við fáum að fylgjast með borgaryfirvöldum halda einni af vinsælustu túristagötu borgarinnar í helgreypum framkvæmda yfir hinn örstutta túsista-sumartíma  Það er neflilega alveg merkilegt hversvegna borgin velur alltaf sumarið til róttækra gatnaframkvæmda?Ég man þegar ég var atvinnubílstjóri í Reykjavík, þá varð okkur oft að orði að það væri meiri ófærð í borginni yfir sumarið heldur en veturinn! :essar framkvæmdir eru ekki vegna veðurs, alls ekki. Ef svo væri þá væri landið lamað frá sept-maí ekki satt? Nei ætli það sé ekki vegna gleði yfirmanna við stuttu-pilsa-tímabilið !!! Hahahahaha hvað veit ég?

Jac "Bird-lover" Norðquist

Vefmyndavélin í Eldey skaut yfir markið