Algjör snilld !

Ef þetta er ekki sú hagkvæmasta fjárfesting sem um getur ! Sjáið bara hvað annað ólíusjóðurinn er búinn að fjárfesta í..... Hann hagar sér bara alveg eins og hinn almenni neitandi. Ekur um á Porche, fær sér McDonalds og annaðslagið Burger King, hann klæðist Adidas og Nike, spreyjar ilmefnum á sig frá Christian Dior, Hugo Boss og Louis Vuitton ásamt því að nota aðrar vörur frá þeim. Hann sötrar Heinecken og Carlsberg og skellir sér annaðslagið í Eurodisney skemmtigarðinn til að slaka á eftir annasaman vetur. Svo er auðvitað skellt sér á leik með Juventus svona inn á milli.... og þegar öllu þessu er lokið hjá hinum annasama Olíusjóðsmanni, er tilvalið að skella á einni klámmynd og... ja þið hafið sennilega hugarflug í restina til að geta ykkur til. Amk ef þið hafið nennt að lesa ofantalið hehehehe

Kveðja

Jac

Olíusjóður fjárfestir í klámfyrirtæki

Hahahahahaha

Ég sá þessa mynd og fyrirsögnina og skellti upp úr ! Það er eins og "Kínverski herinn" sé að beita félagana miklum og kvalafullum þvingunum til þess að kreysta út meiri aur !!!

Kínverski herinn fær meira fé

Ja svei mér þá !?

Ég held bara að aldurinn sé að færast yfir mig !? Djöfulli er þetta eins og að fá blauta tusku í andlitið þegar maður áttar sig á því.... málið er að ég var að lesa þessa frétt með honum Bjögga okkar (kann ekki við að kalla hann Bo) og þá fann ég fyrir ákveinni löngun til að skella mér á þessa tónleika... á tíu manna hljómsveit og 18 manna strengjasveit sinfóníunnar í Kaupmannahöfn.... úff ! Ég man eins og það hafði gerst í gær þegar Mamma kerlingin gekk í gegnum þennan elli smella múr... hún var Bylgju aðdáandi (fm 98,9) en fór að skipta oftar og oftar yfir á Gufuna, á rás 1 ! Það var í mínum huga einbeittur brotavilji gegn ungmenningunni og bein tenging við ellina ! Ég er samt meira til í að fara á tónleikana með Bubba í Köben í Október... hvar ætli ég fái miða án þess að kaupa mér far með Iceland Express?

Kveðja

Jac

Bo fyllir fjölleikahúsið

Bíddu !?

Er ekki verið að tala um það í flest öllum fjölmiðlum að það sé verið að auka á viðkiptaþvinganir á Írana? Hefur þessi "Þýða" í samskiptum alveg farið framhjá mér, sjálfum fréttasjúklingnum? Ég fagna auðvitað öllum tilraunum Íslendinga til að auka viðskipti á erlendum mörkuðum, en þegar þessar viðskiptatilraunir geta raunverulega skaðað hagsmuni íslendinga þegar til lengri tíma er litið, finnst mér að það eigi að láta það eiga sig.

Jac

Íran fagnar auknum samskiptum við Ísland

Þetta verður....

Sennilega bara alls ekki vinsælt, dagar uppi eins og Segway og fótanuddtæki. Ég sé mig ekki í anda nota þetta fyrirbæri.

Ný regnhlíf vekur athygli

Óhugsandi !?

Já komið bara inn á lóð til mín kæru blaðamenn, sjáum til hvort þetta sé með öllu óhugsandi !

Jac

Dönskum blaðamanni ógnað í Texas

Og þetta verður frétt ?? Hvað með...

Sko mér finnst þetta alls ekki vera fréttnæmt... það væri nær að reyna að bjarga umbúðunum af fyrsta Snickers-súkkulaðinu sem kom til landsins í för með Charles Lindbergh 1926. Þessi mæti maður stóð við flugvélina sína, nýlentur, og svaraði klassískum spurningum eins og "How do you like Iceland" og "Do you really think that the weather in Akureyri is always so good or are they lying all the time to us here in Reykjavík?".... Lindi kallinn vissi greinilega ekki hvaðan á sig stóð stormurinn svo hann seildist í vinstri frakkavasann og fiskaði upp Snickers súkkulaði, sem var nýlega komið á markað undir því nafni en hét áður Marathon Snickers á Írlandi og í Englandi... Hann smjattaði á súkkulaðinu meðan hann fann upp skynsöm svör fyrir strákana á VD, hinu virta kvöldblaði allra landsmanna sem háði heiðarlega samkeppni í heilar tvær vikur við Morgunblaðið áður en það snéri blaðinu við......  Hann gat ekki fundið upp á neinu skynsömu svo hann rak þá bara upp miðfingurinn og sagði hátt og snjall "Fokk jú", eftir það hefur hann ekki verið talinn til Íslandsvina og fer í flokk með Jerry Seinfeld og Robbie Williams. Umbúðirnar af snickersinu fuku hinsvegar út í buskann og lentu að endingu á framrúðunni á Ford T 1924 árgerð sem Hjallur Heitinn Gunnarsson, ættaður frá Stóru Brók í Þveravallasýslu og sonur Margrétar Kanamellu Hálfmarsdóttir Kveran-Kjærúlf. Vitandi að Mamma hans elskaði allt Amerískt, tók hann umbúðirnar undan þurkunni og stakk í vasann. Það yrðu sko jólin snemma hjá þeirri gömlu í ár. Það fór svo að Mamma hans varð afar kát og hreinlega tárfeldi yfir þessari hugulsömu gjöf og sagði hún Hjalli karlinum raunverulegu ástæðuna yfir því hvers vegna hann var svona miklu miklu dekkri á hörund en flestir Íslendingar á þessum árum voru. Hún var neflilega í "Ástandinu" miklu fyrr en "Ástandið" var fundið upp, en það stoppaði hana ekkert. Hún var hvort sem er ekkert góð í sögu. Snickers umbúðunum stakk hún inn á milli blaðsína í bók einni og var hún aðeins tekin fram á tyllidögum eða þegar Magga þurfti á Amerískri huggun að halda. Árin liðu og Magga fór afar illa út úr stríðsárunum enda orðin svolítið til gömul fyrir "Ástandið" og reyndar búin með þann kvóta fyrir löngu, en bókina góðu með umbúðunum geymdi hún til æviloka 1958, starfandi sem Hraðsendill hjá hinu Opinbera. Bókina erfði svo hinn þeldökki sonur hennar Hjalli Heitinn Gunnarsson (honum fannst alltaf fáránlegt að heita Hjallur svo hann breytti nafninu í Hjalli) og geymdi hann bókina á vísum stað. Nú er svo komið að því að karlanginn yfirgæfi þessa jarðvist og gerðist það í fyrra. Hjalli Heitinn Heitinn Gunnarsson (jú hann hét Heitinn) lést í svefni á Kumbaravogi í hárri elli og lét ekkert eftir sig nema eina bók. Nú er svo komið að því að það á að eyðileggja bókina og endurnýta pappírinn í klósettpappír (óbleiktan). Því finnst mér tilvalið að reyna nú af öllum mætti að safna fyrir þessari bók sem inniheldur umbúðir af Snickers súkkulaði sem skiftir svo miklu máli fyrir alla flugsögu okkar Íslendinga að fólk má til með að taka þátt. Bókin kostar aðeins 430 krónur og er til sölu í fornbókabúðinni á Fischer horninu. Leggjumst nú öll á eitt og björgum menningararfinum.

Jac

 

Fyrsta þota Íslendinga í hættu

Fjárinn !!

Ég á aldrei eftir að geta litið Omelettuna mína sömu augum eftir þessar gríðarlegu mikilvægu upplýsingar ! Hvað næst spyr ég bara... ? Á kannski að segja mér að Kentucky Kjúllar séu bara alls ekkert frá Kentucky fylki í Bandaríkjunum??? Þá fyrst væri mér öllum lokið.

En talandi um "Tamin" hænsni, þá var ég nú í sveit í gamla daga og þar var nú svona týpískur hænsnakofi með ca 50 hænum eða svo... og trúið mér, þessi bölvuðu fiðurKoddar voru sko ekki hið minnsta tamin að mínu mati ! Svoleiðis galandi og gólandi út um allt, skítandi þar sem þær stóðu og gott ef þær áttu ekki til að gogga í hundræfilinn sem var með músahjarta og lagðist niður og grenjaði ef maður sagði svo mikið sem "Snati" í einni tóntegund hærra en hvísl !

Kveðja

Jac

(æ ég þarf víst að setja inn fyrirvara hér um að bloggið hér að ofan er "Bull&Vitleysa" bara svo engin farin að taka mig alvarlega eða lögsækja mig fyrir staðreyndavillur hahahahahaha)

Kenning Darwins felld?

Ja sko......

Ég eiginlega á báðum áttum með þetta mál !? Ég finn ekki alveg "Góða gæjann" til að standa með, því mér finnst báðir skrifa ansi tæpt á línunni. Ég veit hinsvegar að mér hugnast ekki rætin skrif um neinn, hvort sem það er um einhverja opinbera persónu eða ekki. Keep it clean.

Jac

Leyfði honum að bragða eigin meðal

Ok, hann fór 39....

Hann semsagt svindlaði sér 39 sinnum gegnum göngin... og hvað svo? 39 ferðir segja mér að hann er ekki kominn heim ennþá? Þá stæði þetta á 40 eða 38.... fær hann ekki að nota göngin meira, er það málið... aumingja maðurinn bara fastur uppi á skaga, nú eða þá í Reykjavík ef hann á heima þar.... Æ ég legg til að við söfnum fyrir hann..... HALLDÓR HEIM, ekki seinna en strax (mér finnst hann hljóti að heita Halldór)

Leggið inn á reikning 1175-26-00112-911 og reddum Dóra heim

Jac

Svindlaði sér 39 sinnum gegnum Hvalfjarðargöng