IceBalls

Ég var í skólanum fram til klukkan 15:30 í dag. Eftir að hafa fagnað því að hafa staðist loka áfangann af Project D, viðskiptalaga hlutann, fór ég á bak mótorhjólinu mínu og lagði af stað heim á leið.

 Þegar ég var að spenna hjálminn á hausinn, verður mér litið til himna þar sem að grábólgin skýin hrönnuðst upp. Ég glott með sjálfum mér og hugsaði að ég slyppi örugglega heim áður en rigningin færi að kræla á sér og glaður í bragði þeysti ég var stað, fullur tilhlökkunar að hitta konuna mína og börnin eftir langan dag í skólanum.

Þegar ég átti eftir 2 kílómetra af 8 heim, byrjaði að helli rigna. Ég hló örlítið með sjálfum mér vegna þess að regnbuxurnar mínar lágu vel geymdar í farangursrými hjólsins. Hláturinn kafnaði þó fljótlega þegar ísköld rigningin þrengdi sér niður gallabuxurnar mínar og inn að boxer nærbuxunum og kitlaði svo með ísköldum fingrum sínum hið allra heilagsta.

Alls ekki skemmtileg upplifun skal ég segja ykkur og hver maður gæti vel verið án svona upplifelsis. Þegar ég kom svo heim, var auðvitað hætt að rigna. Ég lagði hjólinu og fór inn til að ná mér í þurr föt og fá smá yl í kroppinn.

Ef ég verð heppin, mun manndómur minn koma úr felum síðar í kvöld. Eins og “staðan” er núna, lýtur allt út fyrir að ég þurfi að pissa sitjandi.

Bestu kveðjur

Jac Norðquist

Athugasemdir

[Gulli litli, 21.10.2008 kl. 19:05]

Er hnappurinn horfinn?

[Jac Norðquist, 21.10.2008 kl. 21:33]

.... jamm, en kominn aftur ! Ég sver, ef hann hefði orðið 1 cm styttri í kuldakastinu, hefði verið hægt að skrá mig löglega sem konu!

[Marta Gunnarsdóttir, 21.10.2008 kl. 21:58]

[Jacky Lynn, 21.10.2008 kl. 22:32]

Takk fyrir þetta blogg Jac, ég gat ekki annað en brosað allan hringinn þegar ég las það.

[Líney, 22.10.2008 kl. 17:16]

hahahahahahahahaha