Og hvar ætli við.....

Jæja, þá er loks búið að ná enn einum aumingjanum.... Stríðsglæpamaðurinn Radovan kominn bak við lás og slá. Það var alveg kominn tími á það. Mörgum finnst þrettán ár vera langur tími fyrir svona lúsablesa að ganga lausan en ég minni á leit Símonar Wiesendals að nasista glæpamönnum.... sú leit entist út líf hans og þá tók stofnun kennd við hann við kyndlinum og leitar enn að fyrrum nasistaböðlum víða um heiminn. Tíminn er reyndar að drepa böðlana og það eru að verða síðustu tækifæri á að ná þeim í hús. Svo má auðvitað ekki gleyma Osama Bin Laden.... ekki er það kvikyndi fundið ennþá... Ég á allt eins von á því að hann finnist... í dulargerfi... sennilega með ljóst sítt hár, með lokk í vinstra eyra, krúsandi gaybarina í Reykjavík á kvöldin en vinnur í Kassagerð Reykjavíkur á daginn. Ekki hlægja..... ég minni bara á Mata Hari... sem var ein frægasta kvennpersóna njósnasögunnar.... reyndist svo bara vera karl !

Kveðja

Jac

Í strætisvagni í dulargervi?

Hvað er díllinn ???

Ég spyr nú bara eins og fávís sauður.... hvað er díllinn með þessi gríðarlega lélegu myndgæði á þessu myndskeiði ásamt öllum myndskeiðum frá ferð Obama til Afganistan? Er þetta allt tekið upp á lélegan gsm síma eða hvað.... ? Furðulegt !

Jac

Obama hittir Karzai

Ég vill eiginlega ekki....

Ég vill eiginlega ekki kommenta á þessa frétt... en læt samt verða af því. Sko... fyrir nokkru setti ég fram þá samsæriskenningu að LHG væri að "misnota" aðstæður til þess að nota þyrluna í æfingaflug á kostnað skattborgarana..... hvað finnst ykkur? Ég er svolítið hissa á að það sé kölluð út þyrlan í hvert skipti sem "meintur" björn á að hafa sést...... Samsæri.... af fyrstu gráðu.

Jac 

Engir ísbirnir fundust

Life er það sem.....

Myndin Life of Brian er eiginlega það besta sem komið hefur frá Bretlandi ! Hún er bara sú allra besta grínmynd sem ég hef nokkru sinni séð.

Jac

Bannað að sýna Life of Brian

Kynlífs-skrýmslið vill......

Þær fréttir ganga nú í dönskum fjölmiðlum að kynlífs-skrýmslið Fritzl, sitji í klefa sínum allan liðlangann daginn og horfi á sjónvarp. Sérstaklega þó efni tengt honum sjálfum. Hann þykir fyrirmyndarfangi sem kvartar ekki yfir matnum en bað um óvenjulega bón um daginn.... gæti hann mögulega fengið "Hrukkukrem" !?!?! Gaurinn er 73 ára, fangelsaður fyrir að hafa lokað dóttir sína inni í fjölda mörg ár, nauðgað henni ítrekað og átt með henni börn... og lokað þau flest inni líka... og hans helstu áhyggjur er Hrukkumyndun í smettinu ? Vá þvílíkur forgangur í lífi þessa manns.

Jac

Ein sú fallegasta.....

Með tárin á hvörmunum þakka ég MBL fyrir þessa fallegustu frétt sem ég hef séð langa lengi á tímum eymdar, volæðis, markaðshruns og olíukrísa !! Takk og aftur takk, þið hafið gersamlega bjargað fyrir mér deginum, vikunni jafnvel mánuðinum. ;)

Jac

Ekki nöfn á ömmu og afa úr sveitinni

Bíddu bíddu.....

Væri ekki miklu nær fyrir Bandaríkjastjórn að senda hæfari fulltrúa en herra William ? Það er ein persóna sem ég tel með miklu miklu meiri reynslu, bæði af kjarnorku málum og líka dýrmæta reynslu af fólki sem hugsar, að því er virðist, á skjön við okkur vesturlandabúa..... um hvern er ég að tala... nú auðvitað Montgomery Burns alráð og eiganda eins best rekna kjarnorkuvers á austurströnd Bandaríkjanna. Hver hefur líka meiri reynslu en hann af "óþekku" fólki? Ég bara spyr... Annars finnst mér líka eins og Bush sé einn af persónunum í Springfield, en það er nú annað mál ;)

Jac

William Burns verður viðstaddur Íransfund

Æsingur....

Ég væri sennilega ennþá að hlaupa um í hringi með grenjuslefuna lekandi úr munnvikjunum, hás af öskrum og með hræðsluglampa í trylltum augunum ! Ef það er eitthvað sem að hræðir mig meira en saltfiskur með kartöflumús og tómatsósu, þá er það sólarstrandar jarðskjálfti. Stóísk ró yrði það síðasta sem kæmi upp í huga minn ef sandströndin færi að skálfa undir sólbrenndum rassinum á mér.... ekki séns í helvíti að ég yrði einn af þessum "rólegu" í svona skelfingarástandi.

Jac

„Tóku þessu með stóískri ró"

Ha? Ferlega....

Mikið ferlega fær þessi frétt mikið pláss eitthvað ? Það er bara þvílíkt skrifað um þetta blessaða "Sumarhús á hjólum" sem var og er á mínu heimili gjarnan kallað bara Hjólhýsi ! Ég hallast að því að þetta örugglega ágæta fólk, þekki blm mjög persónulega, því að hann fer bara í heimildaleit og alles.... út af Hjólhýsi !? Eða er bara svona gríðarleg gúrkutíð á ísl fjölmiðlum?

Jac

Sjaldgæfur stuldur: Sumarhús á hjólum horfið

Detox?

Þarf ég að segja meira !! Hahahahahahaha

Jac

Ósprungnar sprengjur fundust nærri baðströnd