Hvað er málið eiginlega? Er Facebook búið að sjúga úr mér alla ritgleðina eða hvað ? Er maður orðinn svo Face-aður að eina sem gildir eru stuttir og hnitmiðaðir statusar og ekki pláss fyrir nema 3-4 línur af ritefni og svo copy/paste frá öðrum statusum....

Jac

Ég ætla að grilla Lamba Fillet handa okkur konunni. Fyrst er að gefa börnunum að borða pizzur og leyfa þeim aðeins að slaka á.. svo fara þau í bælið blessunin og þá verður farið í það að grilla, brúna kartöflur og gera salat. Hendi svo filletinu á grillið og legg svo á borð fyrir okkur hjónin. Með þessu verður auðvitað sveppasósa og við ætlum að opna eins og eina flösku af Valpolicella Amarone. 

Svo er stefnan á að kveikja upp í arninum og hafa það bara huggulegt. Ég reikna nú fastlega með því að konan fari snemma inn í rúm því að hún var vakandi til kl 05:20 í morgun vegna prófsins (sólarhrings heimapróf)... Jæja, best að fara að gera allt klárt :)

PS... Megrun í pásu fram á morgundaginn... ekki segja Fitupúkanum frá því ;) 

Þá er einstaklega grár Nóvember að líða undir lok og við tekur... grár Desember? Æ vonandi bara að það fari að snjóa eða eitthvað álíka notalegt... skella á mér miklu frosti væri líka í lagi því að þá væri jú sennilega heiður himinn í það minnsta. Við héldum upp á afmæli drengjanna með öðrum (fráskyldum) tvíburaforeldrum. Mikael og Nikolaj héldu daginn saman í bowling höllinni á laugardeginum 26. og svo Gabríel og Oliver á Sunnudeginum 27. á sama stað. Það heppnaðist bara afar vel og allir voru ánægðir.

Við vöktum drengina alveg eldsnemma til þess að ná að opna gjafirnar áður en þeir færu í skólann og höfðum stillt þeim upp á eldhúsborðið... það vakti gríðarlega lukku hjá gaurunum :)  Svo fóru þeir  í skólann með ...ööö súkkulaðibollur (sem einu sinni hétu "Negrakossar" á íslandi) og sleikjó fyrir báða bekkina.

Eftir skóla komu svo 5 stykki drengir með þeim heim og fengu hér kökur og vöfflur með rjóma sem Guðbjörg var búin að skella í.

Sigfús og Sandra kíktu líka yfir ásamt börnum.

Eftir heimsóknina renndi ég niður á Burger King og Hamborgaði alla fjölskylduna... en það voru allir frekar lystalausir eftir rjómann svo það voru hálfétnir borgarar upp um alla veggi...  

Mikael tók svo upp á því að veikjast strax og fjörið var búið og var kominn með 40,2°c um kvöldið.

Ég er að fara með hann til læknis núna upp úr 12. Ætli þetta sé ekki bara lungnabólga eins og Guðbjörg er búin að vera með síðustu viku... J

æja, best að fara að gera eitthvað vitrænt...

knús á fólkið.

Jac

Nei það er ég alls ekki.... mér finnst þetta ekki einusinni fyndið!!

Undir engum kringumstæðum á ofbeldi gegn eiginkonu, eiginmanni eða börnum, rétt á sér!

Jac Norðquist

	Í lagi að slá konu sína fyrir bruðl
Ábyrgðarmaður færslu Tilkynna um óviðeigandi tengingu við frétt

Er virkilega svona erfitt fyrir MBL að breyta nafninu á "Svínainflúensunni" í samræmi við ákvörðun WHO eða alþjóðlegu heilbrigðisstofnunarinnar, í Inflúensa A eða H1N1 Inflúensa A..... Mér perónulega finnst þetta Svínslegt nafn og vona að MBL menn sjá nú sóma sinn í því að laga þetta.... síðastir fjölmiðla !!

Jac

	226 svínaflensutilfelli í Bandaríkjunum
Ábyrgðarmaður færslu Tilkynna um óviðeigandi tengingu við frétt